அலாரம்  இன்றி அதிகாலை எழுந்து,

வாசல் பெருக்கி, சாணம் தெளித்து,

வாசல் அடைத்த பெரிய மாக்கோலம்!

வேப்பங்குச்சி உடைத்து பல் துலக்கி,

குளத்தில் அழகாய் ஓர் குட்டி குளியல்!

களிமண் குழைத்து , அப்பா செய்த அடுப்பில்,

மண்பானையில் அம்மா செய்த சமையல்!

ஆட்டி வைத்த குழம்பும்,  அம்மியில் அரைத்த துவையலும்!

அம்மா அடித்து அழும் குழந்தைகள் !

ஆறுதல் கூறும் அத்தைகள்!

பல வீட்டு அஞ்சறை பெட்டி பொருட்கள்!

சங்கமித்து தயாராகும் கூட்டாஞ்சோறு!

சலங்கைகள் ஒலிக்க, இரட்டை மாட்டு வண்டியில் 

குலுங்கலுடன் குதூகலமாய் ஓர் பயணம்!

வாழ்த்து அட்டைகளை அனுப்பிவிட்டு

பதிலுக்காய் தபால்காரரை எதிர் நோக்கி காத்திருக்கும் விழிகள்!

ரெட்டை ஜடை போட்ட தாவணிப்பெண்கள், 

தலை நிறைய சூடிய டிசம்பர் பூக்கள்!

காலத்தின் வேகத்தில் நினைவில் மறந்த நிகழ்வுகள்.

நன்றி - அமிர்தம் ரமேஷ்