20,000 வருடத்திற்கு முன் கடலில் மூழ்கிய குமரிக்கண்டம்

குமரிக்கண்டத்தில்தான் முதன்முதலில் மனிதர்கள் தோன்றியிருக்கிறார்கள்.

தேவநேயப் பாவாணர் குமரிக்கண்டத்தில்தான் முதன்முதலில் மனிதர்கள் தோன்றியிருக்க வேண்டும் என்று குறிப்பிடுகிறார். மேலும் சமகால இலக்கியமான இறையனார் அகப்பொருளில் பாண்டியப் பேரரசு கடல்கோளால் அழிந்தது பற்றிய விளக்கமான குறிப்புகளை காணமுடிகிறது. இறையனார் அகப்பொருள் உரையில் விளக்கமாக குமரிக்கண்டதை ஆண்ட பாண்டிய அரசர்களின் பெயர்கள் மற்றும் தமிழ் அவையில் இருந்த புலவர்களின் பெயர்கள் குறிப்பிடப்பட்டுள்ளன. புலவர் நக்கீரரால் கூறப்பட்டிருக்கும் இந்தக் தகவல்கள் முதல் நூற்றாண்டைச் சேர்ந்தது என்று கணக்கிடப்படுகிறது. இதில் தமிழ் மன்னர்களாகிய பாண்டிய மன்னர்கள் மூன்று தமிழ்ச் சங்கங்களை நிறுவியதாக அதில் குறிப்பிடப்பட்டுள்ளது.

தலைச்சங்கம்

குமரிக்கண்டத்தின் தலைநகராக விளங்கிய தென் மதுரையில் கி.மு. 7000 ஆண்டுகளுக்கு முன்னர் தலைச்சங்கம் எனப்படும் முதல் தமிழ்ச்சங்கம் நிறுவப்பட்டது என்றும் அகத்தியர் உள்ளிட்ட 549 புலவர்கள் தமிழை ஆராய்ந்தனர் என்றும் தெரிகிறது. சிவன், முருகன் ஆகிய கடவுள்களின் தலைமையில் முதல் தமிழ்ச்சங்கம் செயல்பட்டது என்றும் அதில் குறிப்புகள் காணப்படுகின்றன. மேலும் குபேரன் முதல் தமிழ்ச்சங்கத்தில் இருந்தார் என்றும் தெரிகிறது. தலைச்சங்கம் 4440 ஆண்டுகள் நிலைத்திருந்ததாகவும், 4449 புலவர்கள் இருந்ததாகவும் சொல்லப்பட்டுள்ளது. அகத்தியர் எழுதிய அகத்தியம் எனும் நூல் தலைச்சங்கத்தில் அரங்கேறியது என்பது பொதுவாக நிலவும் கருத்து. கி.மு. 2387 ஏற்பட்ட முதல் கடற்கோளால் பஃறுளி ஆறும் பன்மலை அடுக்கும் முழுவதும் அழிவுற்றன.

இடைச்சங்கம்

கபாடபுரம் என்ற தலைநகரம் இருந்த இடத்தில் இடைச்சங்கம் எனப்படும் இரண்டாம் தமிழ்சங்கம் கி.மு. 2387 முதல் கி.மு. 306 ஆண்டுகள் வரையில் சுமார் 2000 ஆண்டுகள் செயல்பட்டதாகத் தெரிகிறது. கபாடபுரதில் 59 தமிழ் மொழிப் புலவர்கள் அங்கிருந்தபடி தமிழ் மொழிப்பணி ஆற்றியதாகவும் இறையனார் அகப்பொருள் கூறுகிறது. இது மூன்றாம் கடல்கோளால் அழிந்தது.

கடைச்சங்கம்

மூன்றாவது தமிழ் சங்கமான கடைச்சங்கம் என்பது கி.மு. 400 முதல் கி.பி. 200 ஆண்டு வரை என்று கூறப்படுகிறது. கடைச் சங்கம் உத்தர மதுரையில் இருந்ததாக கூறப்படுகிறது. தொன்மையான தமிழ் நூல்களின் வாயிலாக மொத்தம் நான்கு கடல்கோள்கள் நிகழ்ந்ததாகக் தெரியவருகிறது. ஆயினும் நூலின் வாயிலாக கிடைக்கப்பெற்ற இந்தத் தகவல்களை உறுதிப்படுத்தும் வகையில் ஆராய்ச்சியாளர்களுக்கு எந்த ஒரு தடயமும் இது வரை கிடைக்கவில்லை. அதே சமயத்தில் இந்தக் குறிப்புகளை அறிவியல் முறைப்படி மறுக்கவும் இயலவில்லை. இறையனார் அகப்பொருள் உரையில் கூறியுள்ளது உண்மையாக இருந்தால் தமிழர்களின் இலக்கிய காலம் சுமார் கி.மு 10,500 ஆண்டுகள் முன்பு நோக்கி செல்லும்.

புலவர் நக்கீரரின் உரையில் கடலில் மூழ்கிய குமரிக் கண்டத்தின் நிலப்பரப்பு குறித்த தகவல்கள் ஏதும் குறிப்பிடப்படவில்லை. குமரிக் கண்டத்தின் நிலப்பரப்பு பற்றி முதன் முதலில் சிலப்பதிகாரத்தில்தான் குறிப்புக்கள் காணப்படுகின்றன. வடக்கில் பஃறுளி ஆறிலிருந்து தெற்கில் குமரி ஆற்றின் கரை வரைக்கும் குமரிக் கண்டம் நீண்டிருந்ததாக இந்த நூலில் குறிப்பிடப்பட்டுள்ளது.

குமரிக்கண்டம் பற்றிய கடல் ஆராய்ச்சி

ஆராய்ச்சியாளர் இந்தியப் பெருங்கடலில் 1960 ஆம் ஆண்டு செய்த ஆராய்ச்சியில் கன்னியாகுமரிக்குத் தெற்கே இரண்டு கண்டங்கள் இருந்திருப்பதற்கான சாத்தியக்கூறுகளை கண்டுபிடித்துள்ளதாகச் சொல்கிறார்கள். மேலும் தென்பகுதிக் கடலடியில் நீண்ட மலைத்தொடர் ஒன்று இருப்பதைக் கண்டுபிடித்துள்ளார்கள். ஆயினும் இந்த ஆராய்ச்சியின் முடிவுகள் குமரிக்கண்டம் இருந்தது பற்றி அறுதியிட்டு உறுதியாகக் கூறவில்லை. பத்தாயிரம் ஆண்டுகளுக்கு முன்பிருந்த பனி யுகத்தின் போது இந்தியப் பெருங்கடலில் கடல்நீர் மட்டம் குன்றிக் குமரிக் கண்டம் முழுவதும் வெளியே இருந்திருக்கலாம் என்றும் ஆராய்ச்சியாளர்கள் கருதுகின்றனர்.

குமரிக்கண்டம் பற்றி ஆதாரங்கள் உள்ளனவா? ஆராய்ச்சிகள் மேற்கொள்ளப்படடனவா?

குமரிமுனைக்குத் தெற்கே (இந்தியப்பெருங்கடல் பகுதி பல்லாயிரம் ஆண்டின்முன் நிலப்பரபாக இருந்தது. இன்றைய இலங்கை உள்ளிட்ட பகுதியில் பஃறுளி ஆறு குமரிமலை இருந்தன. பஃறுளி ஆற்றடனுன் பன்மலை அடுக்கத்து குமரிக்கு கோடும் கொடுங்கடல் கொள்ள என்று சிலப்பதி காரம்சொல்லும்.

வரலாற்று ஆசிரியர்கள் லெமுரீயா கண்டம் என்றனர். உலகின் முதல் மாந்தன் தோற்றம் இங்குதான் என்றார்கள்.

.

தொல்லியல் ஆய்வு இலக்கிய இலக்கணச் சான்றுகள்

சிலப்பதிகாரத்தில் இளங்கோவடிகள் மாடலமறையோன் பாண்டிய மன்னனை வாழ்த்திப்பாடிய வரிகள்

வடிவேல் எறிந்த வான்பகை பொறாது

பஃறுளிஆற்றுடன் பன்மலை அடுக்கத்து

குமரிக் கோடும் கொடுங்கடல் கொள்ள

வடதிசை கங்கையொடு இமயமும் கொண்டு

தென்திசை யாண்ட தென்னவன் வாழி

தமிழர்களின் பொக்கிஷமான குமரிக்கண்டம் குறித்து மறைக்கப்பட்ட வரலாற்று