அங்கிகளின் பாகுபாடும் பெயரீடும்

புவிமீது அங்கிகளின் தோற்றம் அன்னளவாக 3.6 பில்லியன் வருடங்களுக்கு முன்னர் இடம்பெற்றதாகக் கருதப்படுகின்றது. ஆரம்பத்தில் எளிய உடலமைப்புடைய தனிக்கல அங்கிகள் தோன்றி பின்னர் படிப்படியாக கூர்ப்படைந்து சிக்கலான பல்கல அங்கிகள் உருவாகின என்பது ஏற்றுக்கொள்ளப்பட்ட கருத்தாகும். தற்காலத்தில் புவிமீது சுமார் 8.7 மில்லியன் அங்கியினங்கள் வாழ்வதாகக் கருதப்படுகின்றது. இவ்வங்கிகளிடையே மிகப் பரந்துபட்ட பல்வகைமை காணப்படுகின்றது. இவற்றை யாதேனுமொரு முறையின் கீழ் வகைப்படுத்தலுக்குட்படுத்துவதன் மூலம் கற்றல் இலகுவானதாக அமைவதோடு அங்கிகள் தொடர்பான பல்வேறு தேவைகளுக்குப் பயன்படுத்துவதும் இலகுவானதாய் அமையும்.

வெவ்வேறு இயல்புகளை அடிப்படையாகக் கொண்டு பல்வேறு\முறைகளில் அங்கிகளை வகைப்படுத்த முடியும் என விளங்கிக் கொண்டிருப்பீர்கள்.

பொது இயல்புகளுக்கு ஏற்ப அங்கிகளை கூட்டங்களாக வகைப்படுத்தல் அங்கிகளின் பாகுபாடு என அழைக்கப்படும். 

அங்கிகளைப் பாகுபடுத்துவதன் முக்கியத்துவங்கள்

அங்கிகளைப் பாகுபடுத்துவதன் மூலம் பல்வேறு அனுகூலங்களைப் பெற்றுக்கொள்ள முடியும் அவ்வாறான அனுகூலங்கள் யாவையெனத் தேடியறிவோம். 

அங்கிகள் தொடர்பான கற்றல் இலகுவாதல்,

பெயரிடப்பட்ட அங்கியொன்றின் சிறப்பியல்புகளை இலகுவாதல், இனங்காண்பது

சகல அங்கிகள் தொடர்பாகவும் கற்றலை விடுத்து தெரிவு செய்யப்பட்ட சில அங்கிகள் பற்றி மாத்திரம் கற்பதன் மூலம் முழு உயிருலகம் பற்றியதுமான அறிவைப் பெற்றுக்கொள்ளல். 

பிற அங்கிக் கூட்டங்களிடையேயான தொடர்புகளை வெளிப்படுத்த முடிவுகளை கூறக்கூடியதாயிருத்தல்.

மனிதனுக்கு பொருளாதார ரீதியான முக்கியத்துவமுடைய அங்கிகளை இனங்காணக்கூடியதாயிருத்தல்,

அங்கிகளைப் பாகுபடுத்தும் முறைமைகள்

கி.மு. 4 ம் நூற்றாண்டளவில் அரிஸ்டோட்டல் என்பவரால் முதன்முறையாக அங்கிகள் தொடர்பான விஞ்ஞான ரீதியான பாகுபாடு முன்வைக்கப்பட்டது. கி.பி. 18 ம் நூற்றாண்டில் கரோலஸ் லீனியஸ் (Carolus linnaeus) என்பவரால் வெற்றிகரமான பாகுபாட்டு முறையொன்று அறிமுகப்படுத்தப்பட்டது.

மனிதன் உள்ளிட்ட புவிவாழ் சகல அங்கிகளினதும் பாகுபாடு பிரதானமாக இரண்டு விதங்களில் மேற்கொள்ளப்படும். அவையாவன,

1. செயற்கைமுறைப் பாகுபாடு (Anificial classification) 

2. இயற்கைமுறைப் பாகுபாடு (Natural classification)

1. செயற்கை முறைப் பாகுபாடு