இரண்டரை மணி நேரம் தேர்வு எழுதிய பிறகு 

வியர்த்து உலர்ந்த அவளின் பளிங்கு கைகளில் 

அகப்பட்ட மை பேனாவுக்கு குளிர் காலம்...

ஒரு வழியாக எழுதி முடித்து 

பெருமூச்சு விட்ட போது... 

சீவிய பென்சில் துகளுக்கு வெயில் காலம்...

தேர்வு அறையை விட்டு வெளியேறி 

கட்டாய வினா ஒன்றை மறந்தது நினைவுக்கு 

வந்தவுடன் அவள் கண்களில் மழைக்காலம்..

அழுது சிவந்த மூக்கின் நுனியில் முன்பனிக்காலம்...

இவ்வளவு காலங்கள் அடங்கிய பெண்ணுக்கு 

காய்ச்சல் வந்தது... இமய மலையுடன் சேர்ந்து 

கடவுளும் கரைந்தான் உஷ்ணத்தால்...

நன்றி - Naveen