கருவறையின் அகன்கோதை அவள்...

காதலின் வரைவிலக்கணம் அவள்...

இல்லறம் காக்கும் அடிசிற்கினியாள் அவள்...

தூக்கம் தொலைத்து

தொட்டிலில் சுமப்பவள் அவள்...

நம் துயர்துடைக்க தன்

நலம் மறந்து பணியாற்றுபவள் அவள்...

குருதிகுடித்து பிறந்த என்னை கருவறை 

என்ற அரியணையில் அமர வைத்து 

அழகு பார்த்தவள் அவள்...

ஐந்தில் அகரம் சொல்லித்தந்ததும் அவளே...

உறவின் ருசி உணரச் செய்தவளும் அவளே...

தட்டிக்கொடுப்பதும் அவளே...

தோள் தூக்கிவிடுவதும் அவளே...

அகிலத்தின் அருட்கொடையும் அவளே...

அன்பின் அடையாளமும் அவளே...

அவள் இன்றி இத்தரணி இயங்குமா...

இல்லை, இத்தரணியே

அவளால் தான் இயங்குமா...

நன்றி - அதீனா அபூ உபைதா