கவிதை போட்டி ( Tamil Kavithai Competition 2022 - Sltamil )

தமிழ் கவிதைகள் - எந்தன் மகளே!

எந்தன் மகளே ....!   

கட்டில் மீது கண்ணுறங்கும்

என் சுட்டிக் குழந்தை நீயடி...

வண்மை தளர்த்தேன் கைகளில்;

மெல்லப் பூவென அள்ளிடவுன்னை!

எந்தன் கையில் நீயும் வந்தால்;

உந்தன் சிந்தை நான் வளர்ப்பேன்.

உன்னை நினைத்தே - நானும்

உள்ளம் மகிழ்வேன் நாளும்.

உந்தன் சிரிப்பில் தானே 

எந்தன் உறவும் நீளும்....!

கண்ணீர்த்துளி நீ - சிந்தினால்

கண்ணே தவறுகள் இல்லையடி !

எதிர்காலம் தன்னில் தவறுகள்

உனைத் தீண்டாவண்ணம்

இது காக்குமடி....;

பெண்னே நீயும் புவிதனில் மலர்வாய்

நாளை போராட்டம் கோடி கண்டு

பாராட்டுத்தான் பெறுவாய்.

வல்லமை தன்னை வாகையென 

வையத்தில் நீ சூடடி;

வந்தவர் யாவருமிங்கு -" தந்தை

தமையன் போல் மாறிடார் "

நீயும் நம்படி.

நன்றி - அ. பிரதாயினி.