மென்மையானவளே

அடி மென்மையானவளே

வன்மையான நான் இன்று

தன்மையானேன் உனைக்கண்டு

நீ நடந்த இடமெல்லாம்-உன்

கால் தடங்கள் தேடுகின்றேன்

காணாத அதைக்கண்டு-பெண்

மென்மை உணருகின்றேன்

கால் தடமே பதியாத-உன்

மென்மையான மிதிப்பெல்லாம்

மயில்தோகை வருடல் தானே

உனைத்தாங்கும் பூமிக்கு

மென்மையான மழைத்துளிகளும்

உனக்கு வலி ஏற்படுத்தும் என்றோ

குடைபிடித்துத்தடை விதிக்கிறாய்

மழைத்துளிகளுக்கு

சொல்லடி  மென்மையானவளே

உனைத்தழுவி இன்புறவே-வான்

மழைத்துழிகள் விரைகின்றன

நீ குடைகொண்டு தடைவிதித்ததால்

மனம்சிதறி அலைகின்றன

உன் குடையில் பட்டு சிதறிடும்

மழைத்துளிகளைப்போல 

நானும் சிதறிடுவேன்-நீ

என்னைப்பார்க்காமற் சென்றால்

நன்றி - யோ.கௌரீசன்