கவிதை போட்டி ( Tamil Kavithai Competition 2022 - Sltamil)

காரும் கோடையும் கலக்கக் கண்டேன் 

குளிரும் பனியும் குறுகக் கண்டேன் 

புயலும் வெள்ளமும் அருகக் கண்டேன் 

பருவங்கள் ஆறும் மாறிடக் கண்டேன் 

சுகந்தரு சூழல் பிழையுறக் கண்டேன் 

வளியும் நதியும் பிணியுறக் கண்டேன் 

வற்றிய உள்ளமே  மாந்தரிடம் கண்டேன் 

புதியன புவியைப் புரட்டிடக் கண்டேன்

பூமியின் ஓலங்கள் போரில் கண்டேன் 

வாழ்வின் சுமைகள் வரிகளில் கண்டேன் 

இருப்பினும் எண்ணுவன் வாழ்வு இனிதே!

நன்றி - சபா வடிவேலு